Lima sekaban mimit da agi nyauka bebadi, kerita labuh ke lebak - Berita Iban Online

Header Ads

  • Baru Nyadi

    Lima sekaban mimit da agi nyauka bebadi, kerita labuh ke lebak

    BA PALAN EKSIDEN: Raban bomba meri perubat tumu ngagai siku ari 'mansa' ke pedis ba punggung sebedau disuaka ngagai raban periman.
    BAU: Lima sekaban mimit da agi nyauka bebadi pengudah kerita ke ditepan sida iya tepawah lalu tama ke lebak urung penalan lima meter ba Jalai Kampung Skiat, malam tadi.

    Eksiden nyadi urung jam 11.30 malam nya, semua sida iya semina bakal mimit aja. 

    Komander Operasyen ari Balai Bomba dan Penyelamat (BBP) Bau, Tiwi Anak Nios, madahka raban iya bisi nerima ripot bekaul enggau eksiden nya urung jam 11.35 malam.



    "Berindik ari ripot ke diterima nya, sembilan raban bomba ari BBP Bau berumban ngesah ke palan eksiden nyadi ngambika ulih bejalaika operasyen nyelamat," ku iya.

    "Lebuh datai ba palan eksiden ke nyadi, raban bomba ngeripotka sebuah kerita Perodua Viva labuh ke lebak.

    "Asil pansik tumu ba palan eksiden ke nyadi, semua 'mansa' ke nepan kerita nya udah pansut ari kerita nya enggau semina bakal mimit aja, ku iya lebuh ke dirandau pengarang berita sehari tu tadi. 

    Tiwi ngelansa, raban bomba pengudah nya meri perubat tumu ngagai siku ari 'mansa' ke pedis ba punggung sebedau disuaka ngagai raban periman.

    "Semua 'mansa' pengudah nya dianjung ke Sepital Bau ngambika ulih diperubat silik agi enggau operasyen nyelamat tembu urung jam 12.03 tengah malam," ku iya. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads