Lima seruang bilik kesal ati, tiga lelaki mai duku tama rumah - Berita Iban Online

Header Ads

  • Baru Nyadi

    Lima seruang bilik kesal ati, tiga lelaki mai duku tama rumah

    Gambar pengias.
    SERIAN: Lima seruang bilik berasai kesal ati pengudah ditanchang tiga iku lelaki ke bisi mai duku tama ke rumah sida iya empu di Kampung Rilih Mawang, tumu pagi kemari.

    Penusah nyadi urung jam 4.10 pagi nya, sepasang laki bini enggau tiga iku anak benung tinduk sebedau dani kenyap pengudah nemu tiga saspek ke dipechayaka tama ari jendila dapur rumah sida iya .

    Ketuai Polis Pampang Serian, DSP Aswandy Anis, madahka kesemua mansa ditanchang ngena tali karan, besi pengeredai gari enggau kain mandi.

    “Ketegal irauka pengelikun diri, sida  seruang bilik semina diau diri enggau enda ngelaban nyentuk ke saspek pansut ari rumah nya. 

    “Saspek udah nabanka sebuah kerita chura 'jingga', kantung duit ke bisi mata duit penyampau RM400 sereta dokumen mansa,” ku iya lebuh dirandau pengarang berita kemari.

    “Kelimpah ari nya, saspek mega nabanka empat talipaun binching enggau dua tabung syiling ke diempu mansa ,” ku Aswandy.

    “Tang taja pia, kerita ke diempu mansa mujur ditemu pengudah ditinggalka ba sebuah ladang sawit di Jalan Tebedu urung jam 10 pagi tadi (kemari),” ku iya.

    Aswandy ngelansa, rumah nya mega ia nya sebuah kedai makai.

    Kes dipansik ari baruh Seksyen 395/397 Kanun Keseksaan laban ngerumpak beraban ngena perengka tajam enggau enti dikenuku salah, ulih diukum jil maksimum 20 taun enggau sipat.

    “Kes agi dipansik enggau raban polis benung nyidi sereta ngiga kesemua saspek,” ku Aswandy.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads