Lori ngundan buah sawit ngelantak kayu ba tisi jalai di Sibu - Berita Iban Online

Header Ads

  • Baru Nyadi

    Lori ngundan buah sawit ngelantak kayu ba tisi jalai di Sibu

    Raban Bomba benung bejalaika operasyen nyelamatka mansa ba palan eksiden nyadi.
    SIBU: Siku deriba lori mimit da agi nyauka bebadi sepengudah lori ke ditepan iya tepawah lalu ngelantak sebatang kayu ba Jalai Tong Lekong, ditu, kemari.

    Penusah nyadi urung jam 11.50 pagi nya, deriba lori nya semina bakal ba beberapa iti endur tubuh iya.

    Pengari Bomba enggau Penyelamat, madahka Opis Bomba bisi nerima kangau bekaul enggau penusah ke nyadi nya, urung jam 11.52 pagi.

    "Berindik ari ripot ke diterima nya, seraban bomba berumban ngesah ke palan penusah nyadi laban deka bejalaika operasyen nyelemat", ku iya. 

    "Lebuh datai ba palan penusah nyadi, ketuai operasyen ngeripotka sebuah lori lima tan ngundan buah sawit ngelantak sebatang kayu ba tisi nya.

    "Sebuah kerita Perodua Kancil mega bekait enggau eksiden nya, tang deriba kerita nya selamat tauka nadai bakal ba sebarang alai endur tubuh," ku iya lebuh ke dirandau pengarang berita sehari tu tadi.

    Ku pengari bomba, raban bomba pengudah nya bejalaika operasyen ngemansutka deriba lori (mansa) ke tesepit ba dalam lori ke ditepan iya.

    "Raban bomba mega meri perubat tumu ngagai mansa sebedau dianjung ke Sepital Sibu ngambika ulih diperubatka silik agi," ku iya.

    Kelimpah ari nya, pengari Opis Polis madahka bisi nerima ripot bekaul enggau penusah ke nyadi nya.

    "Naka ke diatu, kebuah eksiden nyadi agi dipansik," ku iya. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads