Maluk bini ketegal kerita bisi bekau urik
Cari Berita

Advertisement

Maluk bini ketegal kerita bisi bekau urik

Chief Editor | Berita Iban MY
October 26, 2018

Logo PDRM
BUTTERWORTH: Semina ketegal kerita bisi bekau urik, siku lelaki ngeransi enggau maluk bini iya ba rumah seduai iya, kemari.

Pengudah penusah nyadi, bini iya ('mansa') diripotka nerima 3 iti jait ba pala. 

Penusah nyadi urung jam 5.15 lemai nya, siku indu ('mansa') beumur 40 taun dipaluk laki iya ba mua indai iya (indai indu) empu. Entua saspek mega bisi nguji nagang saspek ari nyamah iya.

Ketuai Polis Pampang Seberang Perai Utara, Asisten Komisioner Noorzainy Mohd Noor, madah 'mansa' sebedau nya bisi ngena kerita laki iya tang iya bisi eksiden lalu ngejung ke kerita laki iya bisi bekau urik. 



Ku iya, seduai iya melaki bini bisi besekang penemu sebedau saspek enda mukai-mukai ngeransi lalu narit rambut, maluk 'mansa' ngena jari enggau kayu.

“Kelimpah ari nya, saspek mega bisi mantupka pala 'mansa' ba dinding sebedau ngelarika diri. 'Mansa' diperubatka ba Sepital Seberang Jaya enggau nerima tiga iti jait ba pala, kelimpah nya mega kembai ba mata enggau jari,” ku iya.

Noorzainy madah, asil pansik tumu, saspek bisi dua rikod jenayah lama iya nya dikenukuka salah maluk bini iya nya sebedau tu.

“Naka kediatu, raban polis agi ngiga 'saspek' beumur 42 taun nya enggau kes dipansik nitihka genteran Seksyen 324 Kanun Keseksaan,” ku iya.