Mansa keempat ditemu selamat - Berita Iban Online

Header Ads

  • Baru Nyadi

    Mansa keempat ditemu selamat

    PUJI TUHAN: Mansa ke dipelabaka lemas lemai kemari, ditemu raban polis selamat.
    ARAU: Operasyen ngiga ‘mansa’ keempat lebuh tiga semenyanak diripotka lemas ba Sungai Arau diketuka tengah malam tadi, pengudah lelaki nya ditemu selamat ba Sungai Petani, Kedah.

    Pengari Opis Bomba enggau Penyelamat Perlis, madahka raban iya ngetu bejalaika operasyen pengudah nerima kangau ari opis polis madahka udah mujur tetemuka ‘mansa’ sebedau diripotka lemas.

    “Nitihka penerang ke baru diterima kami, siku mansa ke diripotka lemas ditemu selamat ba Sungai Petani.

    “Berindik ari nya, operasyen ngiga ke deka dipejalaika pagi tu, enda nyadi,” ku iya lebuh dirandau pengarang berita.

    BeritaIban.com sebedau tu (kemari), bisi ngiarka ke berita sentang tiga semenyanak ditemu lemas pengudah sida iya sebilik nurun ari teksi dipechayaka deka nemuai tauka ngusung  bala kabanbelayan sida iya ba Kampung Belat Batu, ditu, kemari.

    Bangkai Norma Pin, 64 taun, ditemu ba Sungai Tambun Tulang, tang bangkai laki iya, Baharom Ahmad, 66 taun, enggau anak indu iya, Norzalina, 35 taun, ditemu ba Sungai Arau.

    Berita penuh, ulih dibacha ba ditu: https://goo.gl/PXwRH5

    Kelimpah ari nya siku agi anak lelaki seduai iya, Mohd Zali, 37 taun, mega dipechayaka lemas ba palan penusah ke nyadi tang taja pia, iya (mansa) ditemu raban polis malam tadi selamat sebedau ditangkap kena mansik kes nya silik agi.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads