Ngeli bisi lubang, patut chabut aja tauka tampal dulu? - Berita Iban Online

Header Ads

  • Baru Nyadi

    Ngeli bisi lubang, patut chabut aja tauka tampal dulu?

    Tenako-nako yooo, pemedis ngeli. 📷#michelsondds
    BERITA IBAN ONLINE: Dalam mayuh penyakit ke ditapi kitai, ngeli bisi lubang mih ti pemadu pedis sekali, kelebih agi lebuh gusi kembai enggau ngejungka kitai tusah deka ngaga pengawa ninting hari.

    Ketegal enda nakal ngetatka pemedis ngeli, mayuh orang ngambi jalai muntang ianya mabut ngeli nya. Nyamai ga udah, munyi ku jaku iban jema diatu. *jaku tundi aja tu*




    Taja pia, sigi lantang asai ati laban nadai pedis ngeli tang nuan meseti deka nemu nama 'side effect' pengudah nuan nyabut ngeli nya. Enti enda salah ingat admin, tau meri penanggul ba peyigat tauka pemajik gamal nuan.

    Ukai admin ngaga jaku nya, tang lutor ngeli Iqbal Rosli empu ke bisi bekunsika enam utai ti tau nyadi enti nyema nuan udu nyabut ngeli.

    Penanggul ti deka nyadi enti nuan nyabut ngeli enggau enda nganti tauka nanam ngeli baru: 


    “Enti ngeli bisi lubang enggau pedis, nuan deka ngalitka lubang nya tauka chabut aja?. Nama penanggul ti deka nyadi enti deka nyabut ngeli enggau enda nganti ngeli nya baru?”

    1. Ngeli ke atas tauka baruh ti udah dichabut nya deka majak tumbu, laban nadai ngeli ti ulih nyatup tauka belaban lebuh nuan ngunyah tauka makai utai.


    2. Ngelika sepiak endur ke dichabut nya deka nya singit.


    3. Ngeli nuan nya mega deka nyadi jarang, laban ngeli ke bukai deka ngisi palan puang ba endur ngeli ke dichabut nuan nya.


    4. Ngeli ke ba mua deka nyadi runggak, suah nyadi lebuh ngeli gam dichabut, enggau semina  tinggal ngeli ba luan kena ngunyah utai dempa.


    5. Gusi berinsur majak nyadi mit.


    6. Mua dipeda jampat tuai.


    “Enti ulih, anang mih majak berunding deka nyabut ngeli aja. Nyabut ngeli enggau diganti ngena ngeli pelesu, enda sama asai enggau bisi ngeli ke 'original' taja pan udah rusak tauka udah dialit baru.”

    Amai ga munyi ku jaku lutor nya, taja pan ngena ngeli pelesu, berasai lain lebuh nuan bejaku tauka bepakai ka utai. Nya alai, iya ngasuh kitai nampal tauka ngalitka ngeli ke bisi lubang nya. Mayuh orang enggai nampal ngeli laban irauka agi pedis, enti ngeli udah ka pedis, sigi pedis mega. 

    “Engka 'bakteria' udah tama ba dalam urat ngeli. Tang nuan ulih nyelamatka ngeli ngena chara ngubat ari urat ngeli nuan”

    Nya aja utai ti deka dikunsika admin malam tu. Berindik ari nya, jaga mih ngeli nuan enggau manah. Anang ngelusu merus ngeli.. Laban ngeli ti kitai udah tuai enda sebaka enggau ngeli anak mit agi, enti udah chabut nadai ulih tumbuh baru. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads