Sebuah kerita ngelantak dinding rumah ba jalai Sebiew, Bintulu - Berita Iban Online

Header Ads

  • Baru Nyadi

    Sebuah kerita ngelantak dinding rumah ba jalai Sebiew, Bintulu

    BA PALAN PENUSAH KE NYADI: Pengudah kerita ke ditepan 'mansa' ngelantak dinding sebuah rumah ba Jalai Sebiew, lemai kemari.
    BINTULU: Siku lelaki berasai kesal ati enggau meri terima kasih ngagai Tuhan laban iya agi idup pengudah kerita ke ditepan iya eksiden ba jalai Sebiew, kemari.

    Eksiden nyadi urung jam 5 lemai, 'mansa' beumur 23 taun semina bakal mimit aja pengudah kerita ke ditepan iya tepawah sebedau ngelantak dinding sebuah rumah ba tisi jalai nya.



    Nitihka penerang ke diterima kami, lebuh eksiden nyadi, 'mansa' ke nepan kerita Toyota Altis mega ngelantak sebuah kerita Toyota Corolla ke bisi dipakingka ba luar rumah nya.

    Ku iya, dempa pemalat eksiden nya ngejungka kerita ke ditepan mansa rebah singit.

    'Mansa' diripotka semina bakal mimit aja.
    "Tang taja pia, 'mansa' tauka deriba kerita nya kediri, nadai balat bakal, semina bakal mit aja. Orang ke bempu rumah nya mega sama nadai bakal laban lebuh penusah ke nyadi sida sebilik nadai ba rumah," ku iya lebuh dirandau pengarang berita, sehari tu tadi.

    Kelimpah ari nya, pengari polis madahka bisi nerima ripot bekaul eksiden ke nyadi nya.

    Ku iya, raban polis diatu benung bejalaika pengawa mansik bekaul enggau kes eksiden nya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads