Sepital Miri ngiga bala ke sepintu bilik enggau Salimah anak Unjah - Berita Iban Online

Header Ads

  • Baru Nyadi

    Sepital Miri ngiga bala ke sepintu bilik enggau Salimah anak Unjah

    KASIH AMAI: Salimah anak Unjah benung makai ba (Bed 22) Wad Orang Indu di Sepital Miri.
    MIRI: Sepital Miri benung ngiga bala ke sepintu bilik tauka 'waris' pesakit ke dikelala ngena nama Salimah anak Unjah. 

    Nitihka penerang ke diterima kami, Salimah anak Unjah, bansa Iban, penatai ari Kampung Satap Bekenu enggau alamat rumah kepenudi ke endur mansa diau ianya Lot 358 Phase 11A Kampung Tudan, Miri. 

    Salimah bisi dua anak ianya Kos Nate, ngelamatu diau ba Rumah Panjang Akong Tanjung Pansu, Batang Igan, Sibu enggau siku agi anak iya ke dikelala ngema nama Amie, tang naka ke diatu seduai dua enda ulih digaga tauka temu dini endur diau tauka ngenduh. 



    Berindik ari nya, orang mayuh ke ngelala dua menyadi tu tauka bala ke sepintu bilik enggau pesakit tu dipinta ngenataika diri ba Wad Perubat Orang Indu Sepital Miri' tauka betalipaun ngena lumur 085-420033 (sambung 174) tauka Opis Kereja Sosial Perubat ba lumur 085-420033 (sambung 582 tauka 583) enggau naka pengelengkas.

    JAKU PESAN: Aram mih kitai sama bela bekunsika (share) artikel tu ba media sosial, ngambika Salimah anak Unjah ulih betemu enggau anak tauka bala ke semak, enggau naka pengelengkas. Tuhan merekat semua. Terima kasih pemacha semua. 😇

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads