Siku anak mit 3 taun bebadi nyawa, mengkang dalam kerita sehari - Berita Iban Online

Header Ads

  • Baru Nyadi

    Siku anak mit 3 taun bebadi nyawa, mengkang dalam kerita sehari

    Tekenyit pengudah tetemuka siku anak mit enda ngeleda ba dalam kerita, orang ke ngempu kerita nya berumban ngaga ripot polis.
    PENJARINGAN: Siku anak mit diripotka bebadi nyawa pengudah mengkang ba dalam kerita sehari ba paking entukar di Pangsapuri Pluit SeaView, Penjaringan, Jakarta Utara.

    Nitihka ripot Kompas.com, bangkai anak mit beumur 3 taun nya ditemu enda ngeleda lebuh orang ke bempu kerita nya deka ngengkahka kantung iya ba penuduk belakang kerita nya.

    Tekenyit pengudah tepedeka anak mit nya, orang ke ngempu kerita nya dikelala ngena nama Afandi berumban ngaga ripot polis.



    Polis Pampang Penjaringan, Kompol Mustakim, madahka asil tanya pansik, Afandi ngeripotka sebedau penusah nyadi. Kerita nya dikena ipar lelaki iya enggau nyuaka iya baru urung jam 1 lemai hari lima.

    "Afandi melabaka, engka ipar lelaki iya enda ingat ngelog kerita nya. Nya kebuah anak mit nya mujur tama ke dalam kerita nya.

    "'Mansa' enda ulih pansut laban kerita nya nemu ngelog tauka nutup kediri empu (automatik)," ku Kompol Mustakim.

    "Bangkai anak mit nya udah dianjung ke Sepital Cipto Mangunkusumo kena bejalaika pengawa buntas tasat, tandu iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads