Siku lelaki bebadi nyawa, kena timbak kaban iya empu lebuh ngasu - Berita Iban Online

Header Ads

  • Baru Nyadi

    Siku lelaki bebadi nyawa, kena timbak kaban iya empu lebuh ngasu

    KASIH AMAI: 'Mansa' bebadi nyawa pengudah kena timbak kaban ke serumah panjai lebuh ngasuh lemai kemari. 📷#Utusan
    KAPIT: Siku lelaki bebadi nyawa pengudah kena timbak kaban iya empu ke benung ngasu ba Lubuk Nabau, Rumah Kaya, Sungai Sut, Balleh, ditu, lemai kemari.

    Kaban 'mansa' ngachitka senapang pengudah meda 'mansa' baka burung.

    Penusah nyadi urung jam 4.00 lemai nya, 'mansa' dikelala ngena nama Edwin Gading, 26 taun, bebadi nyawa ba palan penusah nyadi ketegal kena timbak ba pala.

    Ketuai Polis Pampang Kapit, DSP Freddy Bian, madahka bisi nerima ripot ari siku lelaki ianya 'saspek' beumur 30 taun ngaku diri tetimbakka 'mansa'.



    "'Saspek' nyerah diri ke balai polis enggau ngaku diri tetimbakka kaban ke sama serumah panjai laban senayau 'mansa' nya baka siku burung," ku iya.

    Ku iya, sebedau penusah nyadi, 'saspek' enggau 'mansa' sama begulai nurun ngasu ngena perau tang seduai iya beserara lebuh datai ba palan penusah ke nyadi laban deka bejalaika pengawa ngasu.

    "Lebuh ngasu, 'saspek' udah ngachitka senapang enda mukai-mukai kena pala 'mansa' tauka kaban iya empu.

    "Berindik ari, 'saspek' lalu pulai ke rumah panjai laban deka madahka kes ke udah nyadi ngagai apai iya lebuh tepedaka kaban iya kena timbak enggau enda enseput agi," ku iya.

    Sida iya berumban ngesah ke palan penusah ke nyadi enggau mai bangkai mansa ke Sepital Kapit kena bejalaika pengawa silik agi. 

    Freddy madah, berindik ari penusah nya, polis udah ngerampas senapang patah enggau seterum ke bisi ba 'saspek'. 'Saspek mega ditan ba Balai Polis Kapit kena bejalaika pengawa mansik.

    "Kes dipansik nitihka genteran Seksyen 304A Kanun Keseksaan laban ilap enggau ngejungka 'mansa' bebadi nyawa," tandu iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads