Siku lelaki bebadi nyawa, motosikal belantak enggau sebuah kerita - Berita Iban Online

Header Ads

  • Baru Nyadi

    Siku lelaki bebadi nyawa, motosikal belantak enggau sebuah kerita

    'Mansa' Sadan (gambar mit) diripotka bebadi ba palan penusah kenyadi.
    KUCHING: Siku lelaki bebadi nyawa pengudah motosikal ke ditepan iya belantak enggau sebuah kerita ba simpang Jalai Kampung Jawa di Batu 12, Jalan Puncak Borneo, ditu, tengah malam tadi.
    'Mansa' dikelala ngena nama Sadan Anak Katut, 56 taun, penatai ari Kampung Sibuang,  Padawan, diripotka ngapuska seput ke penudi ba palan eksiden nyadi ketegal balat bakal ba pala.
    Ketuai Opis Tasat enggau Penguasa Trafik Sarawak, Superintenden Alexson Naga Chabu, madahka eksiden urung jam 1.30 tengah malam nya, sebuah kerita ke ditepan siku staf polis, beumur 23 taun, tama ke jalai ngelaban arus.


    "Asil pansik tumu, staf polis ke ngena kerita nya benung dirantau jalai ari Kuching nuju ke Puncak Borneo dipechayaka tama ke jalai motosikal. Ngam-ngam gak maya nya, mansa benung ngena motosikal nengah jalai nya lalu ngejungka seduai iya belantak," ku iya lebuhka dirandau pengarang berita, sehari tu tadi. 
    Kes dipansik nitihka genteran Seksyen 41 (1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads