Siku lelaki ditemu anak iya, benung begitang ba dalam bilik - Berita Iban Online

Header Ads

  • Baru Nyadi

    Siku lelaki ditemu anak iya, benung begitang ba dalam bilik

    Gambar pengias.
    SARIKEI: Siku lelaki beumur 29 taun ditemu benung begitang ba bilik iya di sebuah rumah ditu, lemai kemari.

    Penusah nya ditemu anak iya empu (anak 'mansa') urung 3 lemai. Berindik ari nya, anak iya lalu madahka penusah ke nyadi ngagai indai iya.

    Ketuai Polis Pampang Sarikei, Superintenden Awang Alfian Awang Bujang, madahka bini 'mansa' berumban tama ke bilik nya pengudah anak iya nusika iya, 'mansa' benung enda ngeleda.



    "Berindik ari nya, bini 'mansa' lalu madahka penusah ke nyadi ngagai bala diri sebilik enggau pengudah nya nganjung 'mansa' ke Sepital Sarikei ngambika ulih diperubatka silik agi," ku iya lebuh ke dirandau pengarang berita sehari tu tadi.

    "Asil pansik tumu, nadai bekau jamah, telih, tauka bakal ba tubuh 'mansa', semina bisi abi tali ba rekung 'mansa'.

    "Naka ke diatu, raban polis agi mansik kes nya enggau 'mansa' agi diperubatka ba Sepital Sarikei," tandu iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads