Siku lelaki ditemu enda enseput, begitang ba luar rumah di Bau - Berita Iban Online

Header Ads

  • Baru Nyadi

    Siku lelaki ditemu enda enseput, begitang ba luar rumah di Bau

    BA PALAN PENUSAH NYADI: 'Mansa' ditemu begitang enggau enda enseput ba ditu. 
    BAU: Siku lelaki ditemu enda enseput enggau begitang ba luar rumah sida iya empu di Kampung Pisa, ditu, sehari tu tadi.

    'Mansa' beumur 27 taun ditemu enda enseput urung jam 7 pagi.

    Ku orang ke meri penerang, tekenyit pengudah meda penusah ke nyadi, bala ke sepintu bilik enggau 'mansa' berumban ngagauka polis ngambika ulih bejalaika pengawa silik agi.

    Ku iya, asil pansik tumu ba palan penusah ke nyadi, 'mansa' dipechayaka munuh diri ketegal 'stress' laban dua kali udah enda mujur 'test' ba universiti ke endur iya nyambung pelajar.



    "'Mansa' mega bisi nulis sereta ninggalka surat ba dalam 'laptop' iya sebedau iya ngitang diri", ku iya lebuh dirandau pengarang berita sehari tu tadi.

    Orang ke meri penerang ngelansa, asil pansik silik, nadai bekau jamah tauka 'jenayah' ditemu ba palan penusah ke nyadi.

    Ku iya, bangkai 'mansa' dianjung ke Sepital Bau kena bejalaika pengawa buntas tasat.

    "Naka kediatu, kes nya diklasifikasi nyadi parai ngenyit," ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads