Siku lelaki ditemu enda ngeleda ba atas sadau - Berita Iban Online

Header Ads

  • Baru Nyadi

    Siku lelaki ditemu enda ngeleda ba atas sadau

    KASIH AMAI: Sadau rumah endur 'mansa' bejalaika pengawa nyambung tali karan (kiba) enggau 'mansa' dianjung ambulans ke sepital ngambika ulih diperubat silik agi.
    MIRI: Siku lelaki ditemu enda ngeleda ba atas sadau sebuah rumah ba Lorong Permata 4B, Vista Perdana, MIRI, ditu, sehari tu tadi.

    Penusah nyadi urung jam 5.30 lemai nya, orang ke bempu rumah meresa tauka ngabas 'mansa' pengudah ninga munyi utai bedarup ba atas sadau rumah nya.

    Maya nya mega, siku lelaki ('mansa') benung nyambung tali karan kediri ba atas sadau nya mega.

    Orang ke ngempu rumah nya pechayaka 'mansa' kena tangkap karan.



    Berindik ari nya, iya lalu berumban ngangauka raban bomba ngambika ulih nyelamatka 'mansa' nya.

    Enda lama pengudah nya, raban bomba datai ba palan penusah ke nyadi enggau lalu bejalaika operasyen nyelamatka 'mansa' ke mengkang ba atas sadau nya.

    Raban bomba nurunka 'mansa' ari sadau nya ngena tali sebedau disuaka ngagai raban ambulans laban deka dianjung berubat silik agi ba sepital.

    Operasyen tembu urung jam 6.40 lemai tadi.

    Naka berita tu ke ditulis, kebuah penusah nyadi enggau pengerai 'mansa' agi bedau temu.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads