Header Ads

  • Berita Tebaru

    Siku lelaki ditemu parai ba dalam sebuah kerita ba Jalai Sultan Tengah

    Mansa diripotka parai ba palan penusah ke nyadi.

    KUCHING: Siku lelaki ditemu parai ba dalam sebuah kerita ke benung paking ba tisi jalai di Jalai Sultan Tengah besemak Balai Bomba enggau Penyelamat Petra Jaya, ditu, sehari tu tadi. 

    Mansa dikelala ngena nama Jimmy Bobbie beumur 38 taun ari Taman Sukma, nitihka penerang dipechayaka ari bujang enggau nadai kereja.

    Ketuai Polis Pampang (KPD) Kuching, ACP Ng Ah Lek, madahka polis nerima ripot tumu ari orang mayuh urung jam 8.30 pagi, madahka bisi bangkai siku lelaki ba dalam sebuah kerita ba tisi Jalai Sultan Tengah. 

    "Seraban bomba ari Balai Polis Gita enggau dibantu dua raban peronda enggau ambulans datai ke palan penusah ke nyadi.

    "Raban kami mecahka cheremin mit ba pintu belakang sepiak kiba kerita laban deka muka kerita nya ke agi dikunchi enggau raba perubat madahka mansa udah parai," ku iya lebuh dirandau pengarang berita sehari tu tadi.

    Ng madahka bangkai mansa dianjung ke unit forensik Sepital Besai Sarawak (HUS) kena bejalaika pengawa buntas tasat.

    Ku iya, asil pansik tumu, mansa bisi rikod ba sepital ianya napi penyakit darah tinggi, kemi manis enggau sawan 'kritikal'.

    Ku Ng, mansa apin lama ke udah mega bisi ngaga 'temu janji' enggau peresa penyakit ke ditapi mansa ba HUS kena 12 September.

    "Nadai bekau jenayah ditemu ba palan penusah ke nyadi enggau kes tu agi benung dipansik," ku iya.

    Naka kediatu, kes diklasifikasi nyadi parai ngenyit.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: