Siku lelaki parai, diachuk bini ngena pisu ba dada - Berita Iban Online

Header Ads

  • Baru Nyadi

    Siku lelaki parai, diachuk bini ngena pisu ba dada

    KASIH AMAI: Bangkai lelaki penatai ari Britain, John William Jones, 62 taun, ditemu benung gali ba rumah iya dipechayaka diachuk bini iya ba palan penusah nyadi di Kampung Gelam, Mukim Kedawang, Langkawi, tumu pagi tadi. 📷 Gambar viral ba media sosial.
    LANGKAWI: Siku lelaki penatai ari Britain parai dipechayaka diachuk bini iya ba dada kanan pengudah sida iya diripotka besekang penemu, tumu pagi tadi.

    Penusah nyadi urung jam 2.15 pagi nya, bangkai mansa, John William Jones, 62 taun, ditemu benung gali ba bilik besai (ruang tamu) rumah iya ba Kampung Gelam, Mukim Kedawang.

    Ketuai Polis Pampang Langkawi, Superintendan Mohd Iqbal Ibrahim, madah lebuh penusah nyadi, semina seduai iya melaki-bini diau ba rumah banglo nya, pengelama 11 taun ke udah.

    “Raban polis udah nangkap bini mansa ke penatai ari Britain ba palan penusah ke nyafi enggau ngerampas pisu ke dikena saspek ngachuk laki iya (mansa).

    “Asil pansik tumu, kebuah penusah nyadi bepun ari penanggul rumah tangga,” ku iya lebuh dirandau pengarang berita.



    Mohd Iqbal madah, berindik ari nya polis nangkap bini mansa ke beumur 62 taun ba palan penusah nyadi enggau iya deka dibai ke Kort Alor Setar kena ngulihka pemendar reman.

    Bangkai mansa pengudah nya dianjung ke Sepital Sultanah Bahiyah (HSB) Alor Setar kena bejalaika pengawa buntas tasat enggau kes dipansik ari baruh Seksyen 302 Kanun Keseksaan.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads