Siku lelaki parai, mabuk numbuk cheremin jendila - Berita Iban Online

Header Ads

  • Baru Nyadi

    Siku lelaki parai, mabuk numbuk cheremin jendila

    Gambar pengias.
    SIBU: Siku lelaki beumur 34 taun numbuk cheremin jendila ba penusah ke nyadi di Rumah Jabat, Batu 11 1/2, Jalai Mukah-Selangau, malam tadi, ngejung ke iya parai ketegal kurang darah.

    Ketuai Polis Pampang Mukah, DSP Jimmy Panyau, madahka mansa dikelala ngena nama Wat Lamit, dipechayaka benung, numbuk cheremin jendila lalu ngejung ke ngemediska diri iya empu urung jam 7.35 malam. 

    "Asil pansik tumu, mansa ngirup ai arak berindik ari bisi pengerami diintu bebala mayuh maya kesama.

    "Mansa diripotka udah mabuk sereta ngambi bagi bejoget enggau genturung pendiau ke bisi ngulu pengerami nya," ku iya lebuh ke dirandau pengarang berita kemari.

    Ku iya, mansa diripotka bisi charut tauka saru penemu enggau siku indu (betunggal mansa), ke dipechayaka diau ba sepiak bilik lebuh penusah nyadi.

    Ku iya, pengudah nya mansa tama ke bilik indu nya enggau numbuk cheremin jendila bilik nya ngena jari kanan ngejung ke cheremin jendila nya pecah.

    "Mansa bakal ba lengan enggau chiak ketegal kena kacha," ku iya.

    Jimmy madahka mansa ditaban ke Klinik Perubat Selangau enggau diripotka ketegal udah mayuh darah lenyau tauka kurang darah ba dalam tubuh iya.

    Bangkai mansa pengudah nya dianjung ke Sepotal Mukah kena bejalaika pengawa buntas tasat enggau kes agi dipansik. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads