Siku orang tuai bebadi nyawa, van belantak enggau sebuah kerita - Berita Iban Online

Header Ads

  • Baru Nyadi

    Siku orang tuai bebadi nyawa, van belantak enggau sebuah kerita

    BA PALAN EKSIDEN KE NYADI: Pendiau kerita ke belantak enggau van ke ditepan mansa.
    KOTA SAMARAHAN: Siku lelaki (orang tuai) bebadi nyawa pengudah van ke ditepan iya belantak enggau sebuah kerita ba Jalai Uni Garden, ditu, malam tadi.

    'Mansa' dikelala ngena nama Hiew Shee Khiong, 73 taun, diripotka bebadi nyawa lebuh diperubatka ba Sepital Jantung Kota Samarahan urung jam 8 malam tadi.

    Ketuai Opis Tasat enggau Penguasa Trafik Sarawak, Supt Alexson Naga Chabu, madah sebedau penusah nyadi, 'mansa' benung dirantau jalai ngena van nuju ke pasar. 

    Ku iya, taja pia, lebuh datai ba palan penusah ke nyadi, sebuah kerita Proton Perdana tama ke jalai ngelaban arus pengudah ngeliahka sebengkah agi kerita kebukai. 



    "Dempa pemalat eksiden nya ngejungka 'mansa' bakal ba beberapa iti endur ba tubuh iya.

    "'Mansa' ke bakal nya dianjung ke Sepital Jantung Kota Samarahan ngambika ulih diperubatka enggau lengkas sebedau 'mansa' diripotka bebadi nyawa," ku iya lebuh dirandau pengarang berita sehari tu tadi.

    Alexson ngelansa, deriba kerita enggau siku penumpang semina bakal mimit aja.

    Ku iya, raban polis udah ngambi penerang ari deriba kerita nya kena mantu pengawa mansik.

    "Kes nya dipansik nitihka genteran Seksyen 41(1) Akta Pengangkutan Jalan 1987," ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads