Statistik: Mayuh lelaki Malaysia deka jadi enggau indu biak - Berita Iban Online

Header Ads

  • Baru Nyadi

    Statistik: Mayuh lelaki Malaysia deka jadi enggau indu biak

    "Pengawa tikah tauka jadi tu ukai pekara ti baru nyadi ba negara tu," ku Kok Hin.
    GEORGE TOWN: Mayuh lelaki ba menua  Malaysia deka jadi enggau indu biak.

    Rikod ke baru diiyarka Institut Pulau Pinang, ti nyengkaum lelaki ari mayuh bansa enggau pengarap. 

    Nitihka statistik nya, bepun ari taun 2005 nyentuk ke 2015, urung penyampau 10,240 lelaki, pengarap Islam, minta pemendar deka jadi enggau indu biak. 

    Tang urung penyampau 7,719 lelaki ke ukai bepengarap Islam mega, bisi minta pemendar deka jadi enggau indu ke beumur 16 nyentuk ke 18 taun bepun ari taun 2000 nyentuk ke 2014.



    Kelimpah ari nya, rikod ke pemadu tinggi kedirikodka ba Sarawak, urung penyampau 2,064 lelaki ke bisi minta pemendar, ba Kelantan (1,929) enggau Terengganu (924) ari taun 2005 nyentuk ke 2015.

    Penganalisis Pengajian Politik Institut Pulau Pinang, Ooi Kok Hin madah, ba analisis nya “Child Marriages in Malaysia: Reality, Resistance and Recourse” mega bisu nerima pemendar deka jadi enggau anak mit ti bepengarap ukai Islam ba taun 2000 nyentuk ke 2014, Sarawak ngaga rikod ti pemadu mayuh ianya penyampau 1,750 kes enggau ba Johor urung penyampau 1,000 kes.

    Ba Pulau Pinang kediri bisi 250 minta pemendar deka jadi enggau anak tauka orang ti ukai bepengarap Islam enggau ditangkanka Selangor urung penyampau 700 kes.

    "Pengawa tikah tauka jadi tu ukai pekara ti baru nyadi ba negara tu. Kitai suah amai macha berita bekaul enggau kes anak diasuh jadi enggau orang ke enggau beleman mali tauka masung sebedau sida iya nyikap diri ari emosi enggau fizikal," ku Kok Hin.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads