TENAKO-NAKO: Siku lelaki masung siku inek tuai beumur 100 taun
Cari Berita

Advertisement

TENAKO-NAKO: Siku lelaki masung siku inek tuai beumur 100 taun

Staf @beritaibanMY
October 26, 2018

Gambar pengias.
KOLKATA: Ketegal udah mabuk, siku lelaki bujang enda ulih berunding enggau manah lalu ngejung ke iya masung siku inek tuai beumur 100 taun. Orang mayuh kediau ba menua Bengal Barat nganu pengudah nemu kes nya.

Kes nya ditemu pengudah uchu 'mansa' ninga munyi nyelaie ari rumah inek iya nya ba kampung Chakulia di pampang Nadia.

Pengudah ditemu uchu 'mansa', lelaki (saspek) ke dikelala ngena nama Argha Biswas, berumban belalai ba baruh katil. 



Ku polis, penusah nyadi kena hari dua tu tadi, lebuh inek tuai nya diau kediri ba rumah.

Saspek ke beumur 20 taun nya, diatu direman pengelama 14 hari enggau benung deka dibechara kedua kali ba kort.

Sebedau, 'saspek' madahka pengarang berita ba luar kort, iya enda nemu diri udah masung inek tuai nya laban udah mabuk.

Nitihka penerang, inek tuai nya udah dianjung ke sepital enggau diripotka manah tauka udah berinsur gerai.