Tiga semenyanak parai lemas, siku agi bedau temu - Berita Iban Online

Header Ads

  • Baru Nyadi

    Tiga semenyanak parai lemas, siku agi bedau temu

    KASIH AMAI: Raban Bomba benung mai bangkai Baharom Ahmad (mansa), 66 taun, pengudah ditemu ba sungai Kampung Che Ok, lemai tadi. 📷#Bomba
    ARAU: “Sida iya sebuat nurun ari teksi tiga kilometer (km) ari rumah kaban belayan, pengudah nya sida iya lenyau sebedau ditemu lemas,” ku Norhan Abdullah, anak menyadi Normah Pin, 64 taun, siku ari empat semenyanak ke lemas ba Sungai Tambun Tulang, ditu, pagi tadi.

    Kelimpah Normah, laki iya, Baharom Ahmad, 66 taun, enggau anak seduai iya Norzalina, 35 taun, mega ditemu lemas urung jam 9 pagi enggau 1 tengah hari tadi ba Sungai Arau, tang taja pia, siku agi anak seduai, Mohd Zali, 37 taun, agi bedau temu.

    Ku Norhan, empat semenyanak nya sebedau tu diau ba Sungai Petani, Kedah, suah pulai ke ke menua ianya ba Kampung Belat Batu, ditu, laban deka ngusung kaban belayan.

    “Tang kesekali tu nyelaie mimit laban sida iya nurun ari teksi jauh amat. Anak aku bisi meda sida iya empat bejalai enggau sempat betanyaka rita lebuh mansa sida iya ngena motosikal. 

    “Nya mih kepenudi sida iya empat dipeda. Kami semina nemu sida iya udah nadai pengudah dipadahka genturung pendiau ke sama diau ba palan nya,” ku iya lebuh dirandau pengarang berita ba bilik bangkai Sepital Tuanku Fauziah (HTF).

    Kelimpah ari nya, Ketuai Polis Perlis, Senior Asisten Komisioner, Noor Mushar Mohd, lebuh ke dirandau pengarang berita madahka sida iya sebilik napi pemar lemas.

    Ku iya, raban polis bisi nerima kangau urung jam 9 pagi tadi, madahka bisi tetemuka bangkai dua bangkai indu ianya Norma ke anyut ba Sungai Tambun Tulang enggau bangkai Norzalina ditemu ba Sungai Arau.

    “Bangkai Baharom pengudah nya ditemu urung jam 1 tengah hari, urung penyauh beberapa kilometer ari palan anak indu iya ditemu.

    “Tang taja pia, anak lelaki tuai iya agi bedau ditemu enggau operasyen ngiga agi dipejalaika raban bomba,” ku iya.

    Ku iya, semua bangkai ditemu manah magang enggau nadai bekau bakal ba sebelah tubuh tauka nadai bekaul enggau kes jenayah.

    “Naka kediatu, kes nya diklasifikasi nyadi kes parai ngenyit, tang taja pia, pansik silik agi dipejalaika ngambika ulih nemu nama kebuah sida iya sebilik parai.

    “Kesemua bangkai nya dibai ke Sepital Sultanah Bahiyah (HSB) Alor Setar kena bejalaika pengawa buntas tasat,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads