UDAH TEMU: Siku lelaki ke diripotka lenyau ba Sungai Engkabang - Berita Iban Online

Header Ads

  • Baru Nyadi

    UDAH TEMU: Siku lelaki ke diripotka lenyau ba Sungai Engkabang

    BA PALAN PENUSAH NYADI: Mansa ditemu raban SAR urung penyauh 200 meter ari bekau endur ke penudi mansa kena Hari Minggu apin lama ke udah. 
    SARATOK: Pengelenyau siku lelaki ke diripotka lenyau ba Sungai Engkabang, Krian, tebantai pengudah raban Ngiga enggau Nyelamat (SAR) nemu bangkai mansa pagi kemari, urung penyauh 200 meter ari bekau endur ke penudi mansa kena Hari Minggu apin lama ke udah. 

    Ketuai Opis Bomba enggau Penyelamat Pampang Saratok, Nazry Mohamat, madahka bangkai Junaidy Lunsa Dugat (mansa), 49 taun, dipechayaka lemas ditemu melepu ba sungai nya.

    “Mansa diripotka lenyau kena lemai Hari Minggu apin lama ke udah, pengudah nurun ke sungai nya kediri.

    “Berindik ari ripot ke diterima, operasyen Ngiga enggau Nyelamat (SAR) dipejalaika, tang mansa nadai ditemu kena hari keterubah operasyen dipejalaika.

    KASIH AMAI: Bangkai mansa (dalam kambut pelesetik chelum) sebedau disuaka ngagai raban polis.
    “Operasyen SAR ditandu sehari tu (kemari) enggau urung jam 11.57 pagi, bangkai mansa udah ditemu,” ku iya lebuh dirandau pengarang berita kemari.

    Pengudah nya, bangkai mansa disuaka ngagai raban polis enggau dianjung ke Sepital Saratok kena bejalaika pengawa silik agi.

    Operasyen SAR diketuka urung jam 1.14  lemai laban mansa udah ditemu.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads