UDAH TEMU: Siku lelaki ke diripotka lenyau ba Kem Stamping - Berita Iban Online

Header Ads

  • Baru Nyadi

    UDAH TEMU: Siku lelaki ke diripotka lenyau ba Kem Stamping

    BA PALAN PENUSAH NYADI:  Raban bomba benung deka mai mansa sebedau disuaka ngagai raban polis.
    MIRI: Siku staf kem balak ke diripotka lenyau ba kampung Kem Stamping, Pelutan, Ulu Baram kena hari minggu apin lama ke udah ditemu kaban ke sama gawa enggau iya lemai kemari. 

    Ketuai Opis Bomba enggau Penyelamat Malaysia Miri, Law Poh Kiong, madahka Raban Ngiga enggau Nyelamat (SAR) bisi nerima ripot bekaul enggau bangkai siku lelaki bisi ditemu ianya Jonny Sigau (mansa), 39 taun, urung jam 6.30 lemai. 

    "Berindik ari ripotka diterima, operasyen SAR lalu dipejalaika begulai enggau raban polis, genturung pendiau besemak enggau bala staf kem nuju ke palan bangkai mayat mansa ditemu ba Blok Sungai Laja, Kem Stamping Pelutan.

    "Raban bomba pengudah nya mai enggau mansutka bangkai mansa ngena perengka pengatung bomba enggau dibantu genturung pendiau besemak," ku iya.

    Pengudah nya, bangkai mansa disuaka ngagai polis kena bejalaika pengawa silik agi," tandu iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads