15 November 2018 - Hari Empat ba Minggu Ke Tiga Puluh Dua Musim Selama - Berita Iban Online

Header Ads

  • Baru Nyadi

    15 November 2018 - Hari Empat ba Minggu Ke Tiga Puluh Dua Musim Selama

    Lalu nadai mega orang nyebut, ‘Peda kita! Tu iya ditu!’ tauka, ‘Nyin iya!’, laban iya ti bendar Perintah Allah Taala bisi ba tengah-tengah kita.” 

    15 November 2018 - Hari Empat ba Minggu Ke Tiga Puluh Dua Musim Selama

    Bacha Ke Satu: Pilimon 1: 7 - 20

    Pengerindu nuan udah ngasuh ati aku balat gaga, lalu aku berasai diperansang, laban nuan, menyadi, udah ngelantangka ati bala nembiak Tuhan. 

    Nya alai, taja pen dalam Kristus aku berani sereta tau ngasuh nuan ngereja utai ti patut dikereja nuan, tang aku semina minta aja, ketegal pengerindu. Nya alai, aku, Paul -- orang tuai lalu diatu nyadi orang jil Kristus, aku minta utai ari nuan ngarika anak aku, Onisimus, laban aku udah nyadi apai iya sekumbang aku ke dalam rumah jil tu.

    Dulu suba iya nadai guna ba nuan, tang diatu iya besai amat guna ba nuan enggau ba aku.

    Aku diatu ngirumka iya pulai baru ngagai nuan, taja pen aku balat sayauka iya.

    Aku bisi amat ati deka ngetanka iya ditu, ngambika iya nyadika pengari nuan nulung aku, lebuh aku ditan dalam rumah jil tu ketegal Berita Manah.

    Tang aku enggai ngereja utai enti nuan enda dulu ngemendarka nya, ngambika sebarang utai ti dikereja nuan, semina dikereja nuan nitihka ati nuan empu, ukai ari pejal.

    Nyangka nya kebuah iya beserara enda lama ari nuan, ngambika nuan tau bempu iya baru belama iya, ukai nyadi ulun, tang lebih agi ari nya, nyadi menyadi ke dikesayau - ke dikesayauka aku tang kelebih agi, dikesayauka nuan, dalam batang tubuh enggau dalam Tuhan.

    Nya alai, enti nuan ngira aku tu tawing nuan ngereja pengawa, sambut meh iya, baka nuan ke nyambut aku.

    Enti iya bisi udah ngereja utai ti salah ngagai nuan, tauka berutang ba nuan, simpan utang nya dalam akaun aku.

    Aku, Paul, nulis tu ngena jari aku empu: Aku, Paul, deka mayar utang nya -- enda ngira nuan empu ke berutang nyawa ba aku.

    Sigi amat, menyadi, aku minta utai siti tu ari nuan dalam Tuhan: Asuh ati aku lantang dalam Kristus.

    Masmur Entara: Masmur 146: 7, 8 - 9A, 9B - 10

    Saut (peda 5a): Beberekat meh orang ke ditulung Allah Taala Jakop.

    Ke Satu
    Lebuh TUHAN ngakim, Iya ngeringka orang ke kena tekan,
    lalu meri pemakai ngagai orang ke lapar.
    TUHAN ngelepaska orang ke kena jil

    SautBeberekat meh orang ke ditulung Allah Taala Jakop.

    Ke Dua
    TUHAN ngasuh orang ke buta meda.
    Iya ngangkatka orang ke udah rebah.
    Iya rinduka bala nembiak Iya ke lurus.
    Iya nyaga orang kampar ti diau di menua kitai.

    SautBeberekat meh orang ke ditulung Allah Taala Jakop.

    Ke Tiga
    Iya nulung indu ke balu enggau orang ke nadai apai indai, tang ngerusak orang ke jai.
    TUHAN endang Raja belama iya.
    O Sion, Allah Taala nuan deka merintah belama iya. Puji TUHAN!

    SautBeberekat meh orang ke ditulung Allah Taala Jakop.

    Alleluia (peda John 15: 5)

    Alleluia, alleluia
    Aku tu pun anggur, kita nya dan, ku TUHAN;
    orang ke meruan dalam Aku, lalu Aku meruan dalam sida,
    deka bebuah lebat.
    Alleluia.

    Bacha Injil: Luke 17: 20 - 25

    Nyadi sekali orang Parisi nanyaka kemaya Perintah Allah Taala deka datai. Jesus lalu nyaut sida, “Perintah Allah Taala ukai datai ngena tanda ti ulih dipeda.

    Lalu nadai mega orang nyebut, ‘Peda kita! Tu iya ditu!’ tauka, ‘Nyin iya!’, laban iya ti bendar Perintah Allah Taala bisi ba tengah-tengah kita.”

    Iya lalu bejaku ngagai sida murid, “Maya deka datai alai kita keran deka meda siti ari hari Anak Mensia, tang kita enda ulih meda hari nya.

    Orang deka nyebut ngagai kita, ‘Peda kita! Nyin iya!’ tauka, ‘Tu iya!’ Anang kita kia lalu anang nitihka sida.

    Laban baka kilat ti nyelar, lalu langit terang ari tisi siti ngagai tisi siti, baka nya meh gaya Anak Mensia lebuh hari Iya ila.

    Tang Iya enda tau enda dulu natka mayuh macham pemerinsa, lalu ditulak orang ke rebak diatu.”

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads