Siku indu bebadi nyawa, anak enggau laki iya diripotka balat bakal ba Sepital Sibu - Berita Iban Online

Header Ads

  • Baru Nyadi

    Siku indu bebadi nyawa, anak enggau laki iya diripotka balat bakal ba Sepital Sibu

    KASIH AMAI: 'Mansa' diripotka ngapuska seput kepenudi ba palan eksiden ke nyadi.
    SIBU: Siku indu (Indai Orang), 22 taun bebadi nyawa pengudah motosikal ke ditepan sida tiga sebilik belantak enggau dua buah Hilux ba Jalai Rantau Panjai, lemai kemari.

    'Mansa' ke bebadi nyawa nya, dikelala ngena nama Caroline Singgok.

    Nitihka penerang, 'mansa' benung nepan motosikal begulai anak indu iya enggau laki iya (deriba motosikal).

    Penusah nyadi urung jam 5 lemai, sida tiga benung dirantau jalai nuju ke pasar Sibu tang dua buah Hilux nya ari pasar Sibu nuju ke Rantau Panjai.



    Lebuh datai ba jalai betiku, motosikal ke ditepan sida tiga dipechayaka belantak enggau dua buah Hilux nya lalu ngejungka sida tiga tepelanting ke tisi jalai.

    Berindik ari eksiden nya, 'mansa' (Caroline) diripotka balat ba pala, sekeda endur tubuh enggau disahka raban periman ngapuska seput kepenudi ba palan eksiden ke nyadi.

    Taja pia, laki iya, 27 taun enggau anak iya, 5 taun mega diripot balat bakal enggau udah dianjung ke Sepital Sibu ngena ambulans.

    Naka kediatu, laki enggau anak iya agi bedau ngeleda.

    Ketuai Polis Pampang Sibu, ACP Stanley Jonathan Ringgit, madah bisi nerima kangau bekaul enggau eksiden nya. 

    Ku iya, dua deriba Hilux nya diripotka selamat tauka nadai bakal ba tubuh.

    "Siku ari deriba Hilux nya ditan kena bejalaika pengawa mansik tang udah dilepaska laban bisi jamin ari polis," ku iya lebuh dirandau pengarang berita sehari tu tadi.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads