EKSIDEN: Siku lelaki "Orang Tuai" bebadi nyawa, siku indu bakal
Cari Berita

Advertisement

EKSIDEN: Siku lelaki "Orang Tuai" bebadi nyawa, siku indu bakal

Frankie John™
December 19, 2018

BA PALAN EKSIDEN KE NYADI: Raban Bomba benung bejalaika operasyen mansutka mansa ari kerita ke ditepan iya.

JULAU: Siku lelaki orang tuai bebadi nyawa pengudah kerita ke ditepan iya belantak enggau sebuah lori ba Jalai Pakan, kemari.

Eksiden nyadi urung jam 12.25 tengahari, lelaki ke bebadi nyawa (mansa) dikelala ngena nama Ketit Beti, beumur 70 taun.

Sapit Direktor Opis Bomba enggau Penyelamat Sarawak, Tiong Ling Hii madah, ba eksiden ke sama siku indu beumur 64 taun ke sama nepan kerita enggau 'mansa' mega diripotka bakal.

Ku iya, raban bomba bisi nerima kangau bekaul enggau eksien ke nyadi urung jam 12.30 tengahari.

"Pengudah nerima kangau, seraban bomba diasuh nurun ngesah ke palan eksiden ke nyadi ngambika ulih bejalaika operasyen nyelamat.

"Datai ba palan eksiden ke nyadi, ketuai operasyen bomba ngeripotka sebuah kerita perodua Viva enggau lori ke ngundan batu", ku iya lebuh ke dirandau pengarang berita kemari.

Ku Tiong, asil pansik tumu ba palan eksiden ke nyadi, 'mansa' lelaki agi mengkang (tesepit) ba dalam kerita, tang indu nya udah mujur dipansutka orang mayuh.

Ku iya, penudah nya raban bomba mujur mansutka 'mansa' ari kerita nya sebedau 'mansa' diripot bebadi nyawa. Taja pia, deriba lori nya diripotka nadai bakal tauka selamat.

"Bangkai 'mansa' pengudah nya dianjung ke sepital ngambika ulih bejalaika pengawa silik agi", ku Tiong.