Laki bini betu, rumah angus lengis
Cari Berita

Advertisement

Laki bini betu, rumah angus lengis

Staf @beritaibanMY
December 14, 2018

LENGIS: Raban bomba benung bejalaika operasyen madamka api ba palan penusah angus ke nyadi, tengah malam tadi.

BINTANGOR:  Sepasang laki bini betu pengudah rumah seduai iya ba Kilometer 19, Jalai Simpang Pakan, angus lengis diempa api tengah malam  tadi.

Ketuai Opis Bomba enggau Penyelamat Bintangor, Nicholas Belulin madahka, penusah angus nyadi urung jam 12 tengah malam.

"'Mansa' lelaki , 76,  betu ba jari kanan, ba belakang enggau kaki kiba, tang bini iya , 61, semina betu ba tapak kaki. 

"Seduai dua udah dianjung ke Sepital Sarikei ngambika ulih diperubatka enggau silik agi," ku iya lebuh dirandau pengarang berita seharitu tadi.

Ku iya, maya raban bomba datai ba palan penusah ke nyadi. Ketuai operasyen ngeripotka api benung nyelarai deka nganguska sebuah rumah setingkat.

"Maya nya mega, kereta ke diempu 'mansa' mega angus," ku iya.

Urung pengelama setengah jam raban bomba deka nagang sereta madamka api ba palan penusah ke nyadi. 

"Naka kediatu, kebuah penusah angus nyadi enggau penyampau pengerugi reta tengkira agi dipansik", ku Nicholas.