Siku lelaki mabuk nyamah indu
Cari Berita

Advertisement

Siku lelaki mabuk nyamah indu

Chief Editor | Berita Iban MY
December 25, 2018

Gambar Pengias.

LIMBANG: Siku indu bakal ba mulut (bibir) sepiak kanan enggau pedis rang pengudah dijamah laki iya ke benung mabuk kena Hari Minggu nyin tadi.

Indu ke kena jamah nya, 39 taun, diau ba rumah sewa di Kampung Cina.

Nitihka penerang, siku lelaki benung mabuk, 46 taun, datai ke rumah sewa indu nya urung jam 9 malam sebedau lelaki nya ngeransi enggau ngerusakka reta tengkira ba rumah nya. 

Ketuai Polis Pampang Limbang Superintenden Mohd Bukhori Saffai madah lelaki nya (saspek) enda puas ati tauka enggai dilara indu nya (mansa). Pengudah nya, 'saspek' maluk enggau mukut 'mansa' ba mulut. 

"Berindik ari penusah ke nyadi, mansa telih ba mulut sepiak kanan enggau madahka diri pedis rang," ku iya lebuh ke dirandau pengarang berita seharitu tadi.

Mohd Bukhori madah, 'mansa' ngaga ripot ngagai polis pagi kemari. Berindik ari ripot nya, 'saspek' mujur ditangkap raban polis ba rumah sewa, urung jam 1.15 lemai kemari.

'Mansa' pengudah nya diajung berubat silik agi ba Sepital Limbang.

Kes dipansik ari baruh 'Seksyen 323 Kanun Keseksaan / 18A Akta Keganasan Rumah Tangga (AKRT) 1994'.