EKSIDEN: Bas angus, deriba motosikal retung - Berita Iban Online

Header Ads

  • Baru Nyadi

    EKSIDEN: Bas angus, deriba motosikal retung

    BA PALAN EKSIDEN KE NYADI: Bas angus enggau 'mansa' diripotka mengkang ba baruh bas nya.

    SARIKEI:  Siku deriba motosikal kuasa tinggi retung pengudah motosikal ke ditepan iya mengkang ba baruh bas.

    Ketuai Balai Bomba enggau Penyelamat Sarikei, Suna Kaha, madahka penusah nyadi pengudah motosikal 'mansa' belantak enggau sebuah bas di Kilometer 9, Jalai Sarikei-Sibu semak Simpang Bulat, ditu, urung jam 2.30 lemai tadi.

    Ku iya, lebuh eksiden nyadi, bas nya benung di rantau jalai ari Sibu nuju ke Sarikei.

    "Deriba motosikal (mansa) enggau motosikal iya ditemu retung sereta mengkang ba baruh bas nya.

    "Naka kediatu, identiti 'mansa' ke bebadi nyawa nta apin temu enggau lungun tauka tubuh 'mansa' udah disuaka ke ngagai raban polis ngambika ulih bejalaika pengawa silik agi," ku Suna lebuh ke dirandau pengarang berita sehari tu tadi.

    Urung pengelama 15 minit raban bomba madamka api ba palan eksiden ke nyadi enggau mansutka mansa ari baruh bas nya.

    "Deriba bas, orang ke meresa tikit, siku 'konduktor' enggau empat penumpang bas diripotka selamat," tandu Suna.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads