Header Ads

  • Baru Nyadi

    Siku lelaki bebadi nyawa, belantak enggau tiga buah entukar

    KASIH AMAI: 'Mansa' diripotka bebadi nyawa ba palan eksiden ke nyadi.

    MIRI: Siku lelaki deriba motosikal kuasa tinggi bebadi nyawa pengudah belantak enggau tiga buah entukar ba Jalai Miri Bypass, malam kemari, Hari Empat.

    Lelaki nya (mansa) dikelala ngena nama James Menda, 53, raban periman ari Sepital Miri ngeripotka 'mansa' bebadi nyawa ba palan penusah ke nyadi.

    Ketuai Opis Tasat enggau Penguasa Trafik Sarawak, Superintenden Alexson Naga Chabu madahka penusah eksiden nya nyadi urung jam 8.20 malam. 

    Lebuh eksiden nyadi, sebuah kerita benung dirantau jalai ari Boulevard nuju ke Pujut Padang Kerbau. Ngam-ngam datai ba Jalai Miri Bypass, kerita nya nguji deka tama simpang sepiak kanan tang enda beratika sebuah motosikal benung mansang ari mua ke sama nengah jalai nya.

    'Mansa' orang ke ngena motosikal enda sempat brek lalu ngejung ke iya ngelantak sepiak kiba belakang kerita nya.

    Berindik ari eksiden nya, motosikal 'mansa' tepelanting lalu tekena ke sebuah van ke bisi ba belakang kerita nya.

    "Lebuh maya ke sama 'mansa' mega diripotka tepelanting lalu kena lantak sebuah Hilux ke bisi ba belakang van," ku iya.

    "Kes dipansik ari baruh Seksyen 41(1) Akta Pengangkutan Jalan 1987", tandu iya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads