Siku lelaki bebadi nyawa, eksiden ba Kilometer 101, di Jalai Pesisir Bintulu - Miri
Cari Berita

Advertisement

Siku lelaki bebadi nyawa, eksiden ba Kilometer 101, di Jalai Pesisir Bintulu - Miri

Chief Editor | Berita Iban MY
January 9, 2019

KASIH AMAI: 'Mansa' (gambar mit) diripotka bebadi nyawa ba palan eksiden ke nyadi.

BINTULU: Siku lelaki bebadi nyawa pengudah lori 10 tan ke ditepan iya eksiden ba Kilometer 101, di Jalai Pesisir Bintulu-Miri, malam tadi. 

Lelaki (mansa) dikelala ngena nama Hailman Jumaat, 38 taun, penatai ari Kampung Bakam Miri, diripotka bebadi nyawa ba palan eksiden ke nyadi.

Nitihka penerang ke diterima kami ari Opis Bomba enggau Penyelamat Malaysia (JBPM) Sarawak, tujuh raban bomba ari Balai Bomba Samalaju (BBP) enggau diketuaika PBK II Alan Ayuh,  berumban ngesah ke palan eksiden ke nyadi pengudah nerima kanggau ari orang mayuh urung jam 7.45 malam.

"Lebuh eksiden nyadi, 'mansa' dipechayaka tepelanting tauka pansut ari lori pengudah entukar ke ditepan iya tepawah.  

"Orang mayuh ngatung enggaun mindahka 'mansa' ke dalam 'bucket' lori laban hari benung ujan maya nya," ku iya lebuh ke dirandau pengarang berita.

"Pengudah raban bomba datai ba palan eksiden ke nyadi, raban bomba lalu mai 'mansa' enggau nyuaka tubuh iya ngagai raban polis ngambika ulih bejalaika pengawa silik agi" ku iya.

Pengudah semua pengawa tembu enggau ulih dijaga, operasyen diketuka urung jam 9.10 malam.