Siku lelaki ditan polis ketegal nyamah bini - Berita Iban Online | Laman Web Berita Kitai

Header Ads

  • Baru Nyadi

    Siku lelaki ditan polis ketegal nyamah bini

    Gambar pengias.

    SIBU: Siku lelaki ditan polis ketegal nyamah bini iya ba rumah sewa di Jalan Tiong Hua, lemai kemari. 

    'Saspek' lelaki, 44 taun nya ditan polis pengudah nerima ripot bekaul enggau penusah ke nyadi.

    Nitihka penerang ke diterima kami, orang ke ngeripot ngagai polis ianya anak indu 'saspek', 17 taun, ke bisi meda 'saspek' narit buk enggau maluk indai iya ari belakang.

    Berindik ari nya, ketegal irauka indai iya balat bakal enggau pengelikun, anak 'saspek' berumban pansut ari rumah nya lalu ngaga ripot ngagai balai polis ke semak.

    "Asil pansik tumu, 'saspek' dipechayaka nyamah bini iya ketegal agi sebening pala pengudah makai dadah", ku iya lebuh ke dirandau pengarang berita sehari tu tadi.

    Berindik ari nya, Ketuai Polis Pampang Sibu ACP Stanley Jonathan Ringgit  madah, 'saspek' udah mujur ditangkap raban polis.

    Ku Stanley, 'saspek' udah ditan reman nitihka genteran Seksyen 323 Kanun Keseksaan dan 18A Kekerasan Rumahtangga (KRT) ketegal nyamah bini. Enti nyema dikenuku salah, ulih ditingang ukum mata duit enda lebih ari RM2,000 tauka dijil pengelama enda lebih ari setaun tauka kededua nya sekali.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads