Siku orang tuai bebadi nyawa, belantak enggau sebuah kerita ke diregista ngena lumur Brunei - Berita Iban Online

Header Ads

  • Baru Nyadi

    Siku orang tuai bebadi nyawa, belantak enggau sebuah kerita ke diregista ngena lumur Brunei

    KASIH AMAI: Raban bomba benung bejalaika operasyen mansutka 'mansa' ari dalam kerita.

    LIMBANG: Siku orang tuai (warga emas) bebadi nyawa pengudah kerita ke ditepan iya belantak enggau sebuah kerita ke diregista ngena lumur Brunei, semak Kampung Agong Tua, sehari tu tadi.

    Orang tuai (mansa) dikelala ngena nama Chin Siaw Theh, 87, diripotka bebadi nyawa ba palan eksiden ke nyadi ketegal balat bakal ba pala enggau ba sekeda endur tubuh lebuh eksiden ke nyadi urung jam 3.30 lemai.

    Ketuai Balai Bomba enggau Penyelamat Limbang, Tawang Lingem, madahka kelimpah mansa, bisi tiga penumpang ke bisi nepan ba kerita nya, ianya  berkata selain mangsa, dua lelaki enggau siku indu. Tang taja pia, sida tiga diripotka selamat lebuh eksiden ke nyadi. 

    "Urung penyampau tujuh iku raban bomba sereta diketuaika Pegawai Bomba Kanan Dua Zakaria Mat Nor enggau ngena dua buah entukar bomba berumabn ngesah ke palan eksiden ke nyadi, pengudah nerima kanggau ari orang mayuh urung jam 3.30 lemai.

    "Siku deriba enggau siku penumpang ke nepan sebuah kerita ke diregista ngena lumur Brunei mega diripotka selamat tauka nadai bakal lebuh eksiden ke nyadi," ku iya.

    Ku Tawang, lebuh eksiden nyadi, 'mansa' benung dirantau jalai ari Limbang nuju ke Tedungan sebedau belantak sebuah kerita ari muak ke jalai ngelaban arus enggau ngejung ke kerita iya tepawah ke lebak. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads