Header Ads

  • Baru Nyadi

    27 February 2019 - Hari Tiga ba Minggu Ketujuh Musim Selama

    John lalu bejaku ngagai Jesus, “Pengajar, kami bisi meda orang siku muru antu dalam nama Nuan, lalu kami nguji nagang iya, laban iya ukai raban kitai.”

    Bacha Ke Satu: Sirak 4: 11 - 19

    Orang ke ngiga Penemu Dalam deka dibun sereta dikemesaika iya. 

    Orang ke rinduka Penemu Dalam rinduka pengidup. Sebarang sapa dani tumu pagi ngiga iya deka gaga ati. 

    Orang ke bisi Penemu Dalam deka panjai umur sereta diberekat Tuhan kini-kini endur sida bejalai. 

    Orang ke ngereja pengawa ke Penemu Dalam, ngereja pengawa ke Allah Taala ke Kudus, lalu Tuhan deka rinduka sida ke rinduka Penemu Dalam. 

    Sebarang sapa ke ningaka Iya deka ngakim orang enggau pengelurus, lalu sebarang sapa beratika Iya deka idup enggau ati lantang. 

    Arap meh ke Penemu Dalam, nya baru nuan deka bulih Iya nyentukka peturun nuan ila. 

    Mula-mula Penemu Dalam ngasuh nuan nengah jalai ti mar dataika nuan takut sereta begetar. Nuan diajar iya ngena jalai merinsa, sereta diuji enggau mayuh macham atur sampaika nuan arap ke iya. 

    Penemu Dalam jampat datai ngagai nuan enggau nadai betangguh agi. Semua utai ti dipelalaika deka dipadah ngagai nuan lalu nuan gaga ati laban iya. 

    Tang enti nuan limpang ari iya, iya deka ninggalka nuan, lalu ngelakka nuan merinsa.

    Masmur Entara: Masmur 119: 165, 168, 171, 172, 174, 175

    Saut (peda 165a): Orang ke rinduka adat Nuan, O TUHAN, diau likun belama.

    Ke Satu
    Orang ke rinduka adat Nuan diau likun belama; 
    nadai utai ulih ngasuh sida tesangkut.

    SautOrang ke rinduka adat Nuan, O TUHAN, diau likun belama.

    Ke Dua
    Aku ngasika ajar enggau adat Nuan, 
    laban Nuan meda semua utai ti dikereja aku.

    SautOrang ke rinduka adat Nuan, O TUHAN, diau likun belama.

    Ke Tiga
    Aku deka muji Nuan berari, 
    ngambika Nuan ngajar aku adat Nuan.

    SautOrang ke rinduka adat Nuan, O TUHAN, diau likun belama.

    Ke Empat
    Aku deka belagu muji jaku Nuan, 
    laban semua pesan Nuan endang lurus magang.

    SautOrang ke rinduka adat Nuan, O TUHAN, diau likun belama.

    Ke Lima
    Aku lelengauka pengelepas ari Nuan, O TUHAN, 
    lalu aku gaga ati ke adat Nuan.

    SautOrang ke rinduka adat Nuan, O TUHAN, diau likun belama.

    Ke Enam
    Awakka aku idup ngambika aku ulih muji Nuan, 
    lalu awakka adat Nuan nulung aku.

    SautOrang ke rinduka adat Nuan, O TUHAN, diau likun belama.

    Alleluia / Aklamasi sebedau Injil (peda John 14: 6)

    Alleluia, alleluia
    Aku tu meh jalai, pemendar, enggau pengidup, ku TUHAN;
    nadai orang ulih datai ngagai Apai enti enda nengah Aku.
    Alleluia.

    Bacha Injil: Mark 9: 38 - 40

    John lalu bejaku ngagai Jesus, “Pengajar, kami bisi meda orang siku muru antu dalam nama Nuan, lalu kami nguji nagang iya, laban iya ukai raban kitai.”

    Tang ku Jesus bejaku, “Anang nagang iya, laban nadai orang ke ngereja kereja ajih dalam nama Aku lalu udah nya bejai Aku.

    Barang sapa enda ngelaban kitai, setanah enggau kitai.”

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads