ANGUS: Siku lelaki enggau siku indu diripotka betu - Berita Iban Online | Laman Web Berita Kitai

Header Ads

  • Baru Nyadi

    ANGUS: Siku lelaki enggau siku indu diripotka betu

    Raban bomba benung bejalaika operasyen madamka api ba palan penusah angus ke nyadi.

    BAU: Siku lelaki enggau siku indu betu pengudah rumah ke diibun seduai iya di Kampung Serasot, angus, tumu pagi tadi.

    Penusah angus nyadi urung jam 1.55 pagi nya, lalu ngejung ke dua buah rumah angus 80 peratus.

    Komander Operasyen ari Balai Bomba enggau Penyelamat (BBP) Bau, Ebby Hirwandy Sarbini, madahka raban bomba bisi nerima ripot bekaul penusah angus ke nyadi, urung jam 1.58 pagi.

    Berindik ari ripotka diterima nya, seraban bomba lalu berumban ngesah ke palan penusah angus ke nyadi ngambika ulih bejalaika operasyen madamka api.

    “Lebuhka datai ba palan penusah angus ke nyadi, raban bomba ngeripotka api benung mau nganguska dua rumah nya.

    “Nangkan ke nya, raban bomba lalu berumban bejalaika operasyen ngambika ulih nyaga api ba palan penusah ke nyadi,” ku iya lebuh ke dirandau pengarang berita sehari tu tadi.

    Ebby ngelansa, asil pansik silik, siku lelaki, 34 taun, enggau siku indu 25 taun, diripotka betu ba kaki seduai iya. 

    Raban bomba meri perubat tumu ngagai 'mansa' sebedau dianjung ke Sepital Bau.

    Ku iya, raban bomba pengudah nya lalu meri perubat tumu ngagai seduai dua (mansa) sebedau seduai iya dianjung ke Sepital Bau ngambika ulih diperubatka enggau silik agi.

    “Api ba rumah nya ulih dijaga, urung jam 4.15 pagi. Kebuah penusah angus nyadi enggau penyampau pengerugi agi dipansik,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads