Header Ads

  • Baru Nyadi

    Bangkai siku orang tuai ditemu udah but ba Taman Yen Yen

    KASIH AMAI: Bangkai orang tuai nya (gambar mit) ditemu udah but ba palan penusah ke nyadi.

    KUCHING: Bangkai siku orang tuai ditemu ba dalam babas semak Taman Yen Yen, Matang, lemai, sehari tu tadi.

    Nitihka penerang, bangkai orang tuai nya ditemu pengudah siku lelaki ke nebas rumput ba palan nya. iya bisi ensiup bau but ke datai ari babas ke semak endur iya nebas, urung jam 2 lemai tadi.

    Pengudah nya iya lalu ngiga ari ni penatai bau nya sebedau iya tekenyit meda bangkai ti udah reput ba babas nya.

    Nangkan ke nya, iya lalu ngeripot ngagai polis.

    Ketuai Polis Pampang Padawan, Superintendan Aidil Bolhassan, madahka sida iya bisi nerima ripot bekaul enggau bisi tetemuka bangkai orang tuai nya.

    Ku iya, orang tuai nya (mansa) dikelala ngena nama, Wong Awain, 76 taun, penatai ari Taman Sri Perkasa, Jalan Matang.

    Aildil ngelansa, bangkai nya bau but enggau udah reput.

    Naka kediatu, bangkai orang tuai nya udah dianjung ke sepital enggau pengawa buntas tasat deka dipejalaika pagila.

    "Naka kediatu, kes nya ditukuka nyadi parai ngenyit," tandu iya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads