Header Ads

  • Baru Nyadi

    Chapuh nyabung manuk, dua belas lelaki mujur ditangkap polis

    ABAS NGENYIT: Sekeda ari manuk sabung ke mujur ditan polis.

    TUARAN: Dua belas lelaki ti benung chapuh nyabung manuk di Kampung Lapasan, di Tuaran, ditangkap polis, urung jam 3.30 lemai, kemari.

    Ketuai Polis Pampang Tuaran, Deputi Superintendan Dzulbaharin Ismail, madahka lebuh abis ngenyit dipejalaika, seraban lelaki beumur 28 - 69 taun, benung chapuh meda manuk benung bebintis ba dalam kelang sabung enggau bekesebar lari pengudah nemu polis bisi bejalaika operasyen abis ngenyit ba palan nya.

    “Polis mujur ngetan 12 lelaki enggau nangkap 10 iku manuk sabung dipecayaka dikena sida iya bejudi.

    “Kelimpah ari nya, empat sangkar dawai, dua iti jam (stop watch) enggau mata duit penyampau RM12,907,” ku iya lebuh ke dirandau pengarang berita.

    Dzulbaharin madahka, semua lelaki ke ditangkap nya dibaie ke IPD Tuaran laban deka bejalaika pengawa silik agi.

    “Asil pansik tumu, semua lelaki ke ditangkap nya peranak menua Kota Kinabalu enggau Kota Belud.

    “Kes nya dipansik ari baruh 'Seksyen 21 Enakmen Kebajikan Haiwan 2015',” ku iya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads