Header Ads

  • Baru Nyadi

    Dua bakal pengudah eksiden di Jematan Pujut 7, tumu pagi tadi

    KASIH AMAI: Raban bomba benung bejalaika operasyen mansutka siku lelaki (mansa) ke diripotka mengkang ba dalam kerita ba palan eksiden ke nyadi.

    MIRI: Dua bakal pengudah eksiden di Jematan Pujut 7, tumu pagi tadi.

    Eksiden nyadi urung jam 1.35 pagi nya, ngejung ke seduai dua (mansa) patah jari enggau kaki.

    Pengari Operasyen Bomba Sarawak, madahka raban bomba bisi nerima kangau  bekaul enggau eksiden ke nyadi urung jam 1.38 pagi.

    Ku iya, berindik ari ripotka diterima seraban bomba berumban ngesah ke palan eksiden ke nyadi ngambika ulih bejalaika operasyen nyelamat.

    “Lebuh datai ba palan eksiden ke nyadi, raban bomba ngeripotka sebuah kerita Perodua Kancil belantak enggau sebuah motosikal Honda Wave.

    “Asil pansik silik, deriba kerita mengkang ba penuduk endur deriba enggau diripotka patah kaki sepiak kanan,” ku iya lebuh ke dirandau pengarang berita sehari tu tadi.

    Pengari Operasyen ngelansa, raban bomba bejalaika operasyen mansutka motosikal ke agi mengkang ba baruh kerita Perodua Kancil.

    Ku iya, pengudah nya seduai dua (mansa) dianjung ke Sepital ngambika ulih diperubatka enggau silik agi.

    “Operasyen nya tembu urung jam 2.37 pagi,” tandu iya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads