Header Ads

  • Baru Nyadi

    Dua bebadi nyawa, siku balat bakal, dua buah kerita Hilux eksiden ba Batu 19, di Jalai Bintulu-Miri

    KASIH AMAI: Pendiau kerita Hilux ke ditepan seduai iya (mansa) pengudah eksiden ba Batu 19, di Jalai Bintulu-Miri, sehari tu tadi.

    BINTULU: Dua bebadi nyawa, tang siku agi diripotka balat bakal pengudah dua buah kerita Hilux eksiden ba Batu 19, di Jalai Bintulu-Miri, sehari tu tadi.

    Deriba Hilux nya dikelala ngena nama Mary Umut @ Maryam Jamela Umut, 27 taun, enggau siku orang ke nepan kerita ke sama, Draman Seman, penatai ari Belawai, 30 taun, diripotka bebadi nyawa ba palan eksiden ke nyadi.

    Ketuai Opis Tasat enggau Penguasa Polis Trafik Sarawak, Superintenden Alexson Naga Chabu, madahka eksiden nyadi urung jam 2 lemai nya bepun ari sebuah kerita Hilux ke benung dirantau jalai ari Bintulu nuju ke Miri dipechayaka tepawah lalu tama ke jalai ke ngelaban arus.

    "Kerita Hilux nya dipechayaka tama ke jalai ngelaban arus lalu ngelantak kerita ke ditepan seduai iya (mansa)," ku iya lebuh ke dirandau pengarang berita, sehari tu tadi.

    Alexson ngelansa, deriba Hilux sebuah agi diripotka balat bakal ba perut dianjung ke Sepital Bintulu ngambika ulih diperubatka enggau silik agi.

    Ba eksiden ke sama, mega udah ngejung ke lapan iku penumpang bakal tang naka kediatu raban kami apin nerima penerang ti silik bekaul enggau penumpang ti bakal nya.

    Bangkai seduai dua (mansa) udah dianjung ke Sepital Bintulu kena bejalaika pengawa buntas tasat.

    Kes nya dipansik ari baruh 'Seksyen 41(1) Akta Pengangkutan Jalan 1987'. 

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads