Header Ads

  • Baru Nyadi

    MINTA SARAK: Siku indu kena sipak, dipaluk ngena penyapu

    Gambar pengias.

    KEDAH: Enda chukup kena sipak, siku indu 35 taun mega napi pemedis pengudah dipaluk laki iya ngena batang penyapu ketegal iya minta sarak.

    Nitihka penerang ke diterima Berita Iban Online (BIO), penusah nya nyadi urung jam 11 malam lebuh indu nya (mansa) benung ba rumah iya di Gong Badak, Kuala Nerus, kena 7 Februari, Hari Empat. Sebedau belayak iya enggau laki iya (saspek) 38 taun bekaul enggau mesej ke dianjung iya ngena aplikasyen WhatApp.

    Nitihka penerang, laki iya minta 'mansa' minta penerang ti silik bekaul enggau pekara tanggung pengawa ke enda dipejalaika iya baka nadai meri duit belanja. Mesej nya ke dianjung iya ngena aplikasyen WhatsApp urung jam 1 tengah hari. 

    Ku iya, "mansa" nguji nerangka nama kebuah iya nganjung mesej nya ngagai laki iya sebedau minta sarak.

    “Pengudah ninga saut ari "mansa", laki iya ngeransi lalu nendang  "mansa" ngejung ke "mansa" labuh enggau pala tepantup ba dinding rumah,” ku iya.

    Penerang madah, ukai semina kena tendang aja tang laki iya mega bisi maluk bini iya ngena batang penyapu laban agi bedau puas ati. 

    Ku iya, laki iya ngetu nyamah "mansa" pengudah meda iya nyau lemi tulang sebedau iya ngelarika diri.

    “Indu nya madahka penusah nya suah nyadi enggau iya mutus ari ngaga ripot ba Balai Polis Gong Badak, Kuala Nerus laban irauka pengelikun iya empu,” ku iya.

    Berebak enggau nya, Ketuai Polis Pampang Kuala Terengganu, Asisten Komisioner Abdul Rahim Md Din, lebuh ke ditanya pengarang berita madahka bisi nerima ripot bekaul enggau penusah ke nyadi.

    Ku iya, kes nya dipansik ari baruh "Seksyen 324 Kanun Keseksaan" laban udah ngemakal, tauka nyerang bini iya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads