Nasit siku lelaki sempama baka 'udah aruk dipukung enggau alung, udah labuh ditinggang lesung'
Cari Berita

Advertisement

Nasit siku lelaki sempama baka 'udah aruk dipukung enggau alung, udah labuh ditinggang lesung'

Staf @beritaibanMY
February 15, 2019

Api benung mau nganguska sebuah rumah.

MUKAH: Nasit siku lelaki sempama baka ‘udah aruk dipukung enggau alung, udah labuh ditinggang lesung’. Iya ukai semina napi penusah karam ba darat, tang iya mega diripotka betu pengudah rumah ke diuan iya di Kampung Tanam Seberang, angus, tumu pagi tu tadi.

Penusah angus nya nyadi urung jam 3.15 pagi nya, udah nganguska sebuah rumah kayu nya 90 peratus.

Pengari Operasyen Bomba Sarawak, madahka raban bomba bisi nerima ripot bekaul penusah angus nya urung jam 3.18 pagi.

Ku iya, seraban bomba berumban ngesah ke palan penusah angus ke nyadi ngambika ulih bejalaika operasyen madamka api.

“Lebuh ke datai ba palan penusah angus ke nyadi, raban bomba ngeripotka api benung mau nganguska rumah nya. Berindik ari nya, raban bomba lalu berumban bejalaika operasyen madamka api ngambika enda nyelarai kebukai,” ku iya lebuh ke dirandau pengarang berita sehari tu tadi.

Ku iya, komander operasyen ngeripotka bisi siku lelaki (mansa), 50-an, betu ba jari.

“Raban bomba sempat meri lelaki nya perubat tumu sebedau iya dianjung ke Sepital ngambika ulih diperubatka enggau silik agi. Kebuah penusah angus nyadi enggau penyampau pengerugi agi dipansik,” tandu iya.