Header Ads

  • Baru Nyadi

    Robert Pasang Alam udah nadai pagi kemari ketegal riman perut

    KASIH AMAI: RIP Robert.. 😭

    KUCHING: Ex-chalun Barisan Nasional (BN) sitak parlimen Lubok Antu, Robert Pasang Alam udah nadai ketegal riman perut ba Unit Sakit Raya (ICU), Sepital Besai Sarawak, tumu pagi kemari.

    Iya ke mega ex-ketuai pendawa raya Sabah beumur 52 taun diripotka kena sakit riman pengudah Pengawa bepilih besai kena 9 Mei 2018.

    Robert udah ninggalka bini iya, Jeniah Aja enggau dua iku anak iya.

    Niang peranak Rumah Manai di Nanga San Panjai, Lubok Antu mujur nampung sekula ba Universiti Malaya enggau Universiti Wollongong Australia.

    Kelimpah ari nya, Robert mega nyadi chalun BN nyilih Datuk William Nyallau Badak ari Parti Rakyat Sarawak (PRS)  ba penuduk Lubok Antu tang alah nyatup chalun Ngati Kediri, Jugah Muyang ba Pengawa Bepilih Besai Ke-14 ba pekit tiga penyuru.

    Siku agi orang ke bediri minta pilih maya nya ari Parti Keadilan Rakyat (PKR) ke mega sekretari parti nya, Nicholas Bawin Anggat.

    Jugah ke nyadi kaban PKR, madahka penyinu ati diri laban udah lenyau siku kaban belayan ke semak.

    Jugah madah, iya enggau Robert kala numbuhka gerempung ke diberi nama Pelam (Gerempung Engkili Lubok Antu Miri) taun siti ke udah betuju dikena nyaga pengelantang rayat ba sitak nya.

    Berebak enggau nya, Presiden PRS, Tan Sri Dr James Jemut Masing bela nyadaka penyinu ati berindik ari pemidang bakih ke sama tim.

    Nitihka penerang ke diterima Berita Iban Online (BIO), niang Robert deka disengaie bebala mayuh kena 2 Mac tu ba rumah iya No.1187, Lurung Stampin Tengah 10E1, Jalai Stampin Tengah.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads