#SebanaRayat: Opis Menteri Pelajar patut jampat ngemanahka sekula di menua pesisir Sarawak, ku Satu Anchom
Cari Berita

Advertisement

#SebanaRayat: Opis Menteri Pelajar patut jampat ngemanahka sekula di menua pesisir Sarawak, ku Satu Anchom

Chief Editor | Berita Iban MY
February 14, 2019

Satu Anchom bediri ba mua tangga 'kuaters' pengajar.

KANOWIT: Opis Menteri Pelajar patut jampat ngemanahka sekula di menua pesisir Sarawak, pia ku mandal Parti chairman Keadilan Rakyat (PKR) Kanowit, Satu Anchom.

“Aku bisi nerima bemacham penanggul ti ditapi SK Nanga Dap di Kanowit lebuh aku ngabas sekula nya apin lama udah,” ku iya.

Satu, ke mega chairman Gerempung Apai Indai engagu Pengajar (PIBG) sekula nya, madahka kepala pengajar sekula nya bisi nerang ngagai iya sentang pengurang ba sekula nya.

Ba dalam bilik 'kuaters' pengajar.

Pendiau 'kuaters' pengajar.

Pendiau 'kuaters' pengajar.

Agu ke diripotka udah rusak.

“Aku mega nerima ripot buding sekut, enda chukup katil, tilam enggau jemari gari,” ku iya.

Iya mega madahka pasal gaya rumah bala pengajar (kuaters) mayuh udah repuk tauka rusak.

“Aku mega berati lubang besai agi mega udah jai. Enda tan ensium bau ke datai ari agu,” ku iya lebuh madahka bala pengajar mayar kediri ungkus ngemanah agu ke rusak ba 'kuaters' sida.

“Sekula nya mega suntuk tubuh,” ku Satu.

Berindik ari nya, raban Berita Iban Online (BIO) bisi bejalaika pengawa nyidi ba media sosial bekaul enggau penganggul ke ditapi sekula nya.

Raban kami bisi machaka sekeda komen ari bala ke bisi ngena facebook:





Kami ari Berita Iban Online (BIO), ngarapka bala Menteri enggau opis ke megai tanggung pengawa tu ulih mutarka penanggul tu enggau naka pengelengkas.

Kami ukai orang politik tang kami sigi nyakal enti Menteri ti ditukuku ke rayat enda bejalaika pengawa enggau angkun sereta manah.

Munyi ku jaku sempama kitai iban "Baka kepayang nyadaka dilah".