Siku anak mit lima taun parai, dipenyati apai ambu iya
Cari Berita

Advertisement

Siku anak mit lima taun parai, dipenyati apai ambu iya

Chief Editor | Berita Iban MY
February 21, 2019

Gambar pengias.

PEKAN: Siku anak mit beumur lima taun parai pengudah dipechayaka kena jamah tauka dipenyati apai ambu iya di Kampung Padang Rumbia, kemari.
Muhammad Hafiz Abdullah (mansa) diripotka ngapuska seput kepenudi lebuh iya diperubatka di Klinik Padang Rumbia urung jam 4 lemai kemari.
Ketuai Opis Tasat Jenayah Negeri, Datuk Othman Nanyan, madahka asil pansik tumu, indai kandung enggau apai ambu 'mansa' mai anak mit nya ke klinik nya tang enda ulih diselamatka agi.
“Asil peresa tumu lutor ngeripotka bisi abi bakal ke dipechayaka kena jamah ianya bisi abi baru ba dada, abi kena tuchuk api insap ba tapak kaki, kuyu pecah, mata sepiak kanan kembai enggau bisi abi bakal mit ba kening sepiak kanan anak mit nya. 
“Bangkai anak mit diatu kini ba Sepital Pekan enggau deka dianjung ke Sepital Tengku Ampuan Afzan (HTAA), Kuantan laban deka bejalaika pengawa buntas tasat sehari tu enggau deka nemu nama kebuah pemarai iya,” ku iya lebuh ke dirandau pengarang berita sehari tu tadi.
Ku iya, indai kandung 'mansa', 25 taun enggau apai ambu iya, 54 taun, ditan kena bejalaika pengawa nasat.
“Pansik tumu polis, apai ambu 'mansa' ngaku bisi maluk 'mansa' lebuh penusah ke nyadi (kemari).
“Kes nya dipansik ari baruh 'Seksyen 302 Kanun Keseksaan' laban munuh,” tandu iya.