Header Ads

  • Baru Nyadi

    Siku indu bakal, dipaluk laki iya ngena tali pemanjai 10 kaki 5 inci

    Gambai pengias.

    LAWAS: Siku indu (bini orang) bakal ba belakang tubuh enggau kembai ba betis kiba dipechayaka kena paluk laki iya ngena tali di Kampung Buduk Bui Ba'Kelalan, Lawas, kena hari minggu nyin tadi.

    Penusah nyadi urung jam 2 pagi nya, indu nya (mansa), 55 taun, benung tinduk.

    Ketuai Polis Pampang Lawas, DSP Abang Zainal Abidin Abang Ahmad, madahka penusah nya nyadi bepun ari laki iya (saspek) nyangka bini iya (mansa) bisi begulai enggau lelaki bukai tauka ambai lalai.

    Wanita tersebut kemudiannya membuat laporan polis.

    "Lelaki nya mujur ditangkap polis urung jam 6.30 lemai, Hari Tiga, kemari, enggau dibaie ke IPD Lawas laban deka bejalaika pengawa tanya silik," ku iya lebuh ke dirandau pengarang berita sehari tu tadi.

    Abang Zainal Abidin ngelansa, lelaki nya ditangkap ba rumah ti nadai lumur di Kampung Buduk Bui, Ba'Kalalan. 

    Nangkan ke nya, tali pemanjai 10 kaki 5 inci ke dipechayaka kena ngemedis tauka ngemakal bini iya mega dirampas raban polis.

    Kes nya dipansik ari baruh "Seksyen 324/326A Kanun Keseksaan".

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads