Header Ads

  • Baru Nyadi

    Siku indu bebadi nyawa, dipechayaka terejun ari tingkat 12

    Siku indu ditemu ningkap enggau enda enseput pengudah terejun ari tingkat 12 di sebuah hotel.

    KOTA KINABALU: Siku indu ke dipechayaka bisi penanggul ba untak bebadi nyawa pengudah iya terejun ari sebuah hotel di Taipan, Inanam, sehari tu tadi.

    Penusah nya nyadi urung jam 10 pagi, siku indu, 47 taun tama ke hotel laban deka betemu enggau bakih iya ke bisi ba restoran di tingkat 12.
    Tang taja pia, iya dipechayaka tama ke 'balkoni' hotel sebedau iya terejun ari hotel nya. 

    Lebuh penusah nya nyadi bisi dipeda beberapa staf hotel, tang sida iya enda ulih nagang iya ari muai  diri laban penusah nya nyadi kelalu jampat. 

    Ketuai Polis Pampang Kota Kinabalu, Asisten Komisioner Habibi Majinji, madahka raban polis bisi nerima ripot bekaul penusah ke nyadi ari orang mayuh urung jam 10.32 pagi enggau seraban polis lalu berumban ngesah ke palan penusah ke nyadi. 

    Ku iya, lebuh datai ba palan penusah ke nyadi, indu nya (mansa) benung ningkap ba paking di baruh hotel nya enggau diripotka enda engkebut tauka enda ngeleda.

    “Asil pansik tumu, indu nya peranak menua asal enggau penatai ari Luyang. Raban perubat ke bisi datai ngesah ke palan eksiden ke nyadi madahka indu nya udah nadai urung jam 10.57 pagi.

    “Bangkai indu nya udah dianjung ke Sepital Queen Elizabeth (HQE) kena bejalaika pengawa buntas tasat,” ku iya lebuh ke dirandau pengarang berita sehari tu tadi.

    Ku iya, kes nya deka dipansik enggau silik agi enggau naka kediatu, kes nya ditukuka nyadi parai ngenyit (SDR).

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads