Siku indu ngenggam semengat, dirumpak siku lelaki ba dalam kedai gari
Cari Berita

Advertisement

Siku indu ngenggam semengat, dirumpak siku lelaki ba dalam kedai gari

Chief Editor | Berita Iban MY
February 18, 2019

RIKOD CCTV: Lelaki (saspek) ke digaga polis.

SARIKEI: Siku indu ngenggam semengat pengudah dirumpak siku lelaki ngena pisu ba dalam kedai gari  di Jalai Masjid, kemari.

Ketuai Polis Pampang (KPD) Sarikei, Superintenden Awang Arfian Awang Bujang, madahka siku lelaki ngena selapuk tama ke dalam kedai nya enggau mantaika pisu sereta nuju ngagai indu nya (mansa) sebedau lelaki nya (saspek) nabanka perengka ke emas ke diempu iya.

"Pengudah tembu ngerumpak 'mansa', lelaki nya lalu ngelarika diri ngena kerita ke dideriba siku agi bakih 'saspek'.

"Asil pansik tumu, 'saspek' ngena lumur plat kerita pelesu lebuh ke ngerumpak indu nya," ku iya lebuh ke dirandau pengarang berita kemari.

Rikod kamera belalai (CCTV) bekait enggau penusah ke nyadi nya mega 'viral' ba media sosial.

Ku Awang, raban polis diatu benung ngiga dua 'saspek' ke bekait enggau kes nya.

"Nangkan ke nya, kami minta mensia mayuh ke bisi meda tauka penerang bekait enggau penusah ke nyadi nya, meri penerang ngagai ngagai balai polis ke semak," tandu iya. 

Kes nya dipansik ari baruh "Seksyen 395 dan 397 Kanun Keseksaan" laban ngerumpak ngena perengka tajam.