Siku lelaki bebadi nyawa, dipelabaka ditagup baya
Cari Berita

Advertisement

Siku lelaki bebadi nyawa, dipelabaka ditagup baya

Staf @beritaibanMY
February 16, 2019

Gambar pengias.

KUCHING: Siku lelaki bebadi nyawa pengudah ditagup baya enggau anak menyadi iya berasai takut pengudah meda iya nadai ayan agi ba sungai nya lebuh penusah nyadi, ku polis.
Lelaki nya (mansa) dikelala ngena nama Muh Tahir Majid Syam, 40 taun, diripotka lenyau lebuh begigaka ketam begulai enggau anak menyadi iya kena Hari Dua, miggu nyin tadi ba sungai di Sarawak.
Lebuh ke ngiga Muh Tahir (mansa), anak menyadi iya tekenyit meda pala 'mansa' ba atas ai sungai nya sebedau lenyau baru, ku Sapit Ketuai Polis Sarawak, Mohamad Sabri Zainol.
“Anak menyadi iya bisi meda pala iya (mansa) pansut sereta melepuk ba ai nya tang enda lama pengudah nya pala iya tengelam ke dalam ai sungai nya” ku iya.
Bangkai Muh Tahir ditemu kena Hari Tiga, minggu nyin tadi enggau diripotka bisi abi pangum baya ba tubuh iya. Nangka ke nya, raban polis melabaka iya bebadi nyawa ketegal ditagup baya.
Lelaki nya (mansa), siku ari orang ke gawa ba ladang kelapa sawit.