Siku lelaki bebadi nyawa pengudah kena tinggang kayu - Berita Iban Online

Header Ads

  • Baru Nyadi

    Siku lelaki bebadi nyawa pengudah kena tinggang kayu

    KASIH AMAI: Raban bomba benung bejalaika operasyen ba palan penusah ke nyadi.

    SRI AMAN: Siku lelaki orang tuai bebadi nyawa pengudah ditinggang kayu ba dalam kampung di Jalai Bungkang, kena malam Hari Satu.

    Pengari Opis Bomba enggau Penyelamat Malaysia (JBPM) Sarawak, madahka seraban bomba ari Balai Bomba enggau Penyelamat Sri Aman, berumban ngesah ke palan penusah ke nyadi pengudah nerima kanggau ari orang mayuh urung jam 10.58 malam.

    Ku iya, lelaki nya "mansa" dikelala ngena nama Kalom Manggai, 65 taun, penatai ari Rumah Dio Serit Liu, Empanggu di Undop dipechayaka nebang kayu enggau nyayat kayu laban deka ngaga papan begulai enggau bala bakih iya.

    “Tang taja pia, "mansa" dipechayaka tinggal kediri laban deka nembu ka pengawa iya, tang bala bakih iya udah pulai magang.

    “Urung pukul 10 malam, bala ke sepintu bilik enggau iya madahka "mansa" alu nadai pulai. Berindik ari nya, bala bakih nurun baru ngagai endur sida ke nebang kayu enggau tetemuka "mansa" kena tinggang kayu,” ku iya lebuh ke dirandau pengarang berita, sehari tu tadi.

    Nitihka penerang, bala bakih "mansa" nguji ngatung kayu ke ninggang iya sebedau sida iya minta bantu ari raban bomba.

    “Raban bomba datai ba palan penusah ke nyadi lalu maie "mansa" pansut ari kampung nya enggau  nguaka tubuh iya ngagai raban paramedik ari Sepital Sri Aman.

    “Taja pia, 'mansa' diripotka udah midang enggau bangkai tauka tubuh iya disuaka ngagai raban polis ngambika ulih bejalaika pengawa silik agi,” ku iya.

    Operasyen tembu urung jam 12.30 tengah malam tadi.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads