Header Ads

  • Baru Nyadi

    Siku lelaki ditangkap polis pengudah dipechayaka masung anak kandung iya empu

    Raban polis mujur nangkap "saspek" (tengah) ba endur iya gawa di di Jalai Pending.

    KUCHING: Siku lelaki ditangkap polis pengudah dipechayaka masung anak kandung iya empu ke beumur 12 tahun.

    Nitihka penerang ke diterima Berita Iban Online (BIO), lelaki nya (saspek), 40 taun enggau penatai ari Kampung Mapuk Tentu, Tebakang Serian ditangkap ba endur iya gawa di Jalai Pending, urung jam 9 pagi tadi.

    Ketuai Polis Pampang Padawan, Superintenden Aidil Bolhassan, madahka lelaki nya ditangkap pengudah nerima ripot ari anak iya empu (mansa).

    "Penusah nya nyadi dipechayaka kena 2 Februari, Hari Enam, ba bilik siwa sida iya sebilik di Matang lebuh iya (mansa) begulai dua agi menyadi iya ke beumur sembilan enggau sepuluh taun. Sebedau nya, sida tiga semenyadi dibaie "saspek" bejalai merindang ati urung jam 5 lemai.

    "Tang taja pia, "saspek" dipechayaka mansung "mansa" lebuh menyadi iya benung rindang meda televisyen enggau main talipaun binching," ku iya lebuh ke dirandau pengarang berita sehari tu tadi.

    Anak iya (mansa) takut tauka enda berani nusoika penusah ke ditapi iya ngagai orang bukai. Tang ditemu indai iya kena Hari Tiga, minggu nyin. 

    "Berindik enggau nya, "mansa" udah dianjung peresa silik ba Sepital Besai Sarawak (HUS) enggau lutor pakar sakit indu ngeripotka bisi bekau charik ba utai pemalu anak iya (mansa)," ku Aidil.

    "Saspek" enggau indai "mansa" udah enda begulai agi laban benung dalam proses deka sarak.

    ""Mansa" diau enggau indai iya di Kota Samarahan tang "saspek" ngambi "mansa" ari rumah indai iya laban deka mai iya bejalai ngelantang ke ati enggau "mansa" kena pasung ba hari ke sama," tandu Aidil nyemetak agi.

    "Saspek" diatu ditan raban polis enggau ditasat ari baruh "Seksyen 376 Kanun Keseksaan".

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads